суббота, 24 сентября 2011 г.

ხობის მე-5 საერთაშორისო ფესტივალი "სიმღერა სამეგრელოზე" დასრულდა


მოკლედ, დიდი ხანია 21-ე საუკუნის კალამი ხელში არ დამიჭერია, ანუ კომპიუტერის კლავიატურასთან საწერად არ დავმჯდარვარ, მაგრამ ამ ხნის განმავლობაში ჩემს გარშემო იმდენი კარგი რამ მოხდა, რომ არ შემეძლო ეს თქვენთვის არ გამეზიარებინა..,
პირველ რიგში რაც ახლო წარსულში ყველაზე განსაკუთრებულ ემოციად მახსენდება ეს არის  ხობის მე-5 საერთაშორისო ფესტივალი „სიმღერა სამეგრელოზე“, რომელიც  მაჟორიტარი დეპუტატის გოდერძი ბუკიას წყალობით შეიძლება ითქვას უკვე ათეული წელია ხობის სავიზიტო ბარათად იქცა.
 
თავს არ შეგაწყენთ ფესტივალის დაფუძნებისა და მისი მიზნების შესახებ საუბრით, რადგან ყველასთვის ცნობილია ამ საშვილიშვილო საქმის შესახებ, ეს იქნება ხობის მატიანეს ყველაზე ლამაზი გვერდი და ნათელი წერტილი.
დავიწყებ მზადების პროცესით... ეს ყველაზე აზარტული და სასიამოვნოდ დამღლელი საქმეა. ხობი თითქოს ახალი სიცოცხლის მოლოდინშია.
მუშაობა დღისით და თქვენ წარმოიდგინეთ ღამის 1-2 საათამდეც კი, რას ვიზამთ, ასეც ხდებაJ 
გათენდა 16 სექტემბერი, ქუჩებში დილიდანვე იგრნობოდა ამაღლებული განწყობა, რაც ფესტივალს მთელი 3 დღე თან ახლავს, ადამიანები ემოციებს ვერ მალავდნენ, დიდი იყო ადგილობრივი მოსახლეობის მოლოდინი სტუმრების მიმართ, რომელთა  რეგისტრაციაც დილიდანვე დაიწყო... პარალელურად მიმდინარეობდა ჟურნალიტების აკრედიტაცია, რომელსაც თქვენი მონა-მორჩილი,  ადგილობრივი მუნიციპალიტეტის გამგეობის  პრეს-ცენტრის წარმომადგენელი მე( სალომე ქაჯაია) , თამთა ბუკია და უფროსი როზეტა შულაია უძღვებოდა.
თამთა, როზეტა  და სალომე
16 სექტემბერი. ფესტივალის ოფიციალური გახსნა, რომელიც პროგამით იყო გათვალისწინეული 18 სააათზე სტუმრების წითელ ხალიჩაზე გავლით დაიწყო.
ხობი
კულტურის სახლის მისაღებში მისულ საზოგადოებას ყურადღების მიღმა არ დარჩენია სპეციალური ყუთები, რომელშიც ფესტივალზე მისულ მაყურებელს შეეძლო საკუთარი შთაბეჭდილება, ემოცია და მომავალი წლისათვის სურვილი გაეზიარებინა.
შთაბეჭდილების ყუთი
ღონისძიებაზე  ადგილობრივი ცეკვისა და ხალხური სიმღერის  ანსამბლები იღებდნენ მონაწილეობას, რომელმაც სტუმრებზე  სასიამოვნო შთაბეჭდიელება დატოვა.
ქალთა გუნდი
ანსამბლი "კოლხეთი"
ანსამბლი "კოლხეთი" და ნინო გოთოშია


საღამოს კულმინაცია ხობის საპატიო მოქალაქეების დასახელება იყო, რომელიც დამსწრე საზოგადოებას ხობის მუნიციპალიტეტის საკრებულოს თავმჯდომარემ მამუკა ჭოხონელიძემ წარუდგინა

ხობის საპატიო მოქალაქეები: მარინა მიქაძე, ანზორ ერქომაიშვილი,ვახტანგ როდონაია, ემირ ბურჯანაძე,სერგო კენჭაძე, გომარ სიხარულიძე, თემურ ბოჯგუა და გოდერძი ბუკია



 ფესტივალის სტუმრებსა და ადგილობრივ  მოსახლეობას მიესალმა და სიტყვით მიმართა   ხობის მუნიციპალიტეტის გამგებელმა იგორ ტყებუჩავამ.

 17 სექტემბერი. ხობში დილიდან მიმდინარეობს სხვადასხვა ღონისძიებები სიმღერაში, ჭიდაობაში, ცეკვასა თუ სხვა სახეობებში.   მოეწყო საფესტივალოდ გამოცემული საიუბილეო მასალების პრეზენტაცია.  ძუკუ ლოლუას სახელობის მეგრული სიმღერების  მუზეუმში ჩატარდა ახალგაზრდა ფოლკლორისტთა და მუსიკათმცოდნეთა მეორე სამეცნიერო კონფერენცია.
მეგრული სიმღერების პატრიარქად წოდებული ძუკუ ლოლუას სახელობის მეგრული სიმღერების მუზეუმი
        20 საათზე ხეთის თეატრონში  ანსამბლ „გორდელას“ 50 წლის იუბილესადმი მიძღვნილი ღონისძიება გაიმართა, რომლის წამყვანებადაც ლია მიქაძე და თამაზ ნათაძე მოგვევლინნენ.
     ღონისძიებაში მონაწილეობა ქართველ შემსრულებლებთან ერთად, უკრაინელმა, ბელორუსმა, აზერბაიჯანელმა, რუსმა და სომეხმა მომღერლებმა მიიღეს. არ შემიძლია არ აღვნიშნო უცხოელი მომღერლების მიერ უაქცენტოდ შესრულებული მეგრული სიმღერები, რომლებმაც მაყურებელზე გასაოცარი შთაბეჭდილება მოახდინა, თუმცა ფესტივალიც ხომ სწორედ ამ საქმეს ემსახურება.
უმშვენიერესი ფიქრია მამფორია ნანა დაუშვილის სიმღერით "მაფშალია"

სომეხი მომღერალი ევა რივასი
ღონისძიების სტუმრებს საქართველოს პრეზიდენტი მიხეილ სააკაშვილი და პარლამენტის თავმჯდომარე დავით ბაქრაძე, მთავრობის სხვა წარმომადგენლებთა ერთად  შეუერთდნენ.


ღონისძიების შემდეგ მასპინძელმა სტუმრების გაოცება პაპანწყვირეს ტბაზე, ულამაზესი ბუნების ქვეშ  გაშლილი მეგრული სუფრით შეძლო.

18 სექტემბერი - ფესტივალის ბოლო დღე. ხობის ცენტრალურ სტადიონზე  ქართული ფეხბურთის ლეგენდების ვლადიმერ ბარქაიას, მურთაზ ხურცილავას და გიორგი სიჭინავას იუბილესადმი მიძღვნილი საღამო გაიმართა, რომელსაც ასევე ცნობილი სპორტული კომენტატორი ჯამლეტ ხუხაშვილუ უძღვებოდა. ღონისძიებას ფეხბურთის გულშემატკივრებთან ერთად უამრავი მაყურებელი ესწრებოდა.
        20 საათზე კი  ფესტივალის დახურვის გრანდიოზული გალა-კონცერტი დაიწყო, რომელზეც წარმოდგენილი იყო სპეციალურად ფესტივალისათვის შექმნილი მეგრული სიმღერები ქართველი თუ საერთაშორისო მომღერლების შესრულებით. დამაგვირგვინებელი ნაწილი იყო საფინალო სიმღერა „ხობი“, რომელიც ხობის მაჟორიტარმა დეპუტატმა, ფესტივალის „სიმღერა სამეგრელოზე“ დამფუძნებელმა  და სულისჩამდგმელმა გოდერძი ბუკიამ მომღერლებთან ერთად უზარმაზარი ფეიერვერკის ფონზე  შეასრულა.
 
            ფესტივალი და ის სიტუაცია, რითაც ხობი ფეტივალიდან ფესტივალამდე ცხოვრობს 2 წლით გემშვიდობებათ, შევხვდებით მომავალ 2013 წელს და წარმოგიდგენთ პროგრამას - „მზიური და მზიურელები“.

                       მომავალ შეხვედრამდე...
 




понедельник, 12 сентября 2011 г.

ხობელი მანუჩარ ცხადაია მსოფლიო ჩემპიონატზე ვერცხლის მედლის პრიზიორი გახდა


2011 წელს სტამბოლში მიმდინარე ბერძნულ-რომაული სტილით მოჭიდავეთა  მსოფლიო ჩემპიონატზე, საქართველოს ნაკრების წევრმა,  ხობელმა მანუჩარ ცხადაიამ, რომელიც 66 კგ წონით კატეგორიაში ასპარეზობდა, ხუთი მეტოქე დაამარცხა და ფინალში ირანელ საეიდ მორამ აბდვალს დაუპირისპირდა. დაძაბული ორთაბრძოლის შედეგად ქართველმა სპორტსმენმა მსოფლიო ჩემპიონატზე საქართველო კიდევ ერთხელ ასახელა და უკვე მეორედ, ვერცხლის მედლის პრიზიორი გახდა, რითაც კლასიკოსთა გუნდიდან პირველმა მოიპოვა ლონდონის 2012 წლის ოლიმპიური თამაშების ლიცენზია.
ხობის მუნიციპალიტეტის გამგეობა ულოცავს ხობელ ფალავანს ამ დიდ გამარჯვებას და უსურვებს  2012 წელს ოლიმპიური მწვერვალების დაპყრობას.


გაზეთი "ხობის მოამბე"

понедельник, 6 июня 2011 г.

აუხდენელ "ოცნებათა" კვალდაკვალ


იყო და არა იყო რა:) მოკლედ, როგორც ვიცით გრძელდება სახელმწიფო პროგრამა „პატრიოტი“, რომელიც საზაფხულო პატრიოტულ ბანაკებში მოსწავლე-ახალგაზრდობის აქტიურ დასვენებასა და გაცვლითი პროგრამების, ტრენინგ-სემინარებისა და სხვადასხვა კულტურული, სპორტული და შემეცნებითი ღონისძიებების ჩატარებას გულისხმობს. ბანაკი ქვეყნის სხვადასხვა კუთხეში მდებარეობს, პროექტი რამდენიმე ნაკადად ხორციელდება და თითოეული ჯგუფი ბანაკში 10 დღეს დაყოფს. დღეს 6 ივნისს კი ჩვენმა ჯგუფმა    გეზი ამჯერად ანაკლიის ბანაკისკენ აიღო.
 ხობის მუნიციპალიტეტის  სპორტისა და ახალგაზრდულ საქმეთა განყოფილებამ პატრიოტთა პირველი ნაკადი გაიწვია, მოსწავლე–ახალგაზრდები წასვლამდე მუნიციპალიტეტის გამგებელს შეხვდნენ, რომელიც  დაინტერესდა თითოეული წარგზავნილის მიღწევებით, მისწრაფებებით და პატრიოტთა ბანაკში კარგ დასვენებასთან ერთად, ინტელექტუალური შესაძლებლობის მაქსიმალური გამოვლენა უსურვა მათ. ,,თქვენ ანაკლიის ბანაკში უნდა გამოავლინოთ ყველა ის ღირებულება, რაზედაც აქ, ამ შეხვედრაზე ვისაუბრეთ. შეიძინოთ ახალი მეგობრები. შეიქმნათ ახალი შთაბეჭდილებები, რომელსაც ალბათ ჩამოსვლისას გაგვიზიარებთ.’’ –აღნიშნა გამგებელმა. ბავშვებმა გამოხატეს თავიანთი მადლიერება იმ ყურადღებისათვის, რასაც მათ მიმართ იჩენს ხელისუფლება.
გამგებელი– იგორ ტყებუჩავა  პატრიოტელებთან ერთად
ჯგუფი ხობიდან დაახლოებით 14:15 წუთზე  გავიდა, გზაზე ახალგაზრდებმა იმდენად  იხალისეს და გაერთნენ, რომ მანძილი ობიექტამდე არც გვიგრძვნია.  ამასობაში  გამოჩნდა  ბანაკიც, მაგრამ მხოლოდ გამოჩნდა:) რადგან წინ დაბრკოლება დაგვხვდა, ანუ სილაში ჩარჩენილი ე.წ.  „კამაზი“, რომლის ამოყვანა მხოლოდ გარკვეული ძალების დახმარების შედეგად მოხერხდა
       შემდეგი ვიყავით ჩვენ, მაგრამ  უცებ გამოჩნდა პატრიოტთა ახალი ჯგუფი, რომლებმაც რატომღაც მოინდომეს ჩვენზე ადრე მისულიყვნენ აღნიშნულ ობიექტამდე, თუმცა ნათქვამია „წინ წასული მელაოოო...“(აღარ გავაგრძელებ) უკან არ ჩამორჩენილან, მაგრამ აღმოჩნდა , რომ ისინიც ჩაიხერგნენ:)
 






          გარკვეული პროცესების შემდეგ, შედეგმაც არ დააყოვნა და როგორც იქნა გადავიდნენ. 
         ჯერი ჩვენზე დადგა, მანამდე კი ჩვენი ავტო–მძღოლი ძალიან დიდი მონდომებით ცდილობდა გადასასვლელი ბარიერის საკუთარი შესაძლებლობებით გასწორებას:)
 
        ასე იყო თუ ისე,   ჩვენდა სასიხარულოდ დაუბრკოლებლად გადავედით და ემოციაც შესაბამისი იყო
          როგორც იქნა მივაღწიეთ დანიშნულების ადგილზე და უნდა ვაღიარო, რომ საოცარი  შთაბეჭდილება დატოვა ჩემზე იქაურმა გარემომ, წესრიგმა, აქტიური ცხოვრების რითმმა, იქ  ყველამ ზედმიწევნით იცის საკუთარი საქმე და საერთოდ, მეც მომინდა მანდ დარჩენა, მაგრამ:(



ბუნგალო

სამზარეულო
ლიდერებთან თათბირი
მიუხედავად ამ სინანულისა, თავს არ მივეცით მოწყენის უფლება რამდენიმე წუთით მაინც და  აი:)
"ვირუჯებით"

:)




ეს ის ნეტარი გამოხედვაა, ძალიან რომ გინდა და არ გამოდის:)
 აი ასე დასრულდა ეს დღეც...

 

четверг, 26 мая 2011 г.

26 მაისი ხობში

ხობის მუნიციპალიტეტში სადღესასწაულო განწყობა დილიდან იგრძნობოდა, მუნიციპალიტეტის გამგებელი იგორ ტყებუჩავა ხელისუფლებისა და საზოგადოების  სხვა წარმომადგენლებთან  ერთად 9 აპრილის სკვერში  შეიკრიბა, სადაც პატივი მიაგეს დაღუპულთა ხსოვნას და მემორიალი ყვავილებით შეამკეს. ღონისძიებას შემოუერთდა საერო სკოლა „არეას“ (დირექტორი– ბეტა რუსია)მოსწავლეები, რომლებმაც პატრიოტულ ნოტებზე აჟღერებული სიმღერა და ლექსები წარმოადგინეს.
9 აპრილის მემორიალი






9 აპრილის მემორიალი
ამის შემდეგ ღონისძიების მონაწილეებმა  8 აგვისტოს დაღუპულ გმირთა მემორიალთან გადაინაცვლა, სადაც ამავე სკოლის  მოსწავლეებმა იმ პერიოდის მძიმე წუთები გაგვახსენეს და შესრულებული ნომრით დაუვიწყარი შთაბეჭდიელება მოახდინეს დამსწრე საზოგადოებაზე.

 

 
შემდეგი ღონისძიება, რაც ანონსით იყო გათვალისწინებული, ეს იყო ხობის ცენტრალურ სტადიონზე მუნიციპალიტეტის გამგეობის  ორგანიზებით, დამოუკიდებლობის აღდგენის დღისადმი მიძღვნილი რაიონული საფეხბურთო ჩემპიონატის ფინალური შეხვედრა, სადაც ერთმანეთს  სოფელ ძველი ხიბულისა და ხამისქურის გუნდები დაუპირისპირდნენ.  მატჩი ხამისქურის გამარჯვებით,ანგარიშით 2:0 დასრულდა.
І, ІІ  და ІІІ ადგილზე გასულ გუნდებს მუნიციპალიტეტის გამგებელმა გამარჯვება  მიულოცა და გამგეობის მიერ დაწესებული თასები და სიგელები   პირადად გადასცა.
გამარჯვებული – ხამისქურის გუნდი
ძველი ხიბულა
და ბოლოს, ხობის კულტურის სახლში გამართული  კლასიკური  მუსიკის  კონცერტი, რომელსაც წინ უსწრებდა ხობის პროფესიული სასწავლებლის მოსწავლეების მიერ თექის მასალით დამზადებული ნამუშევრების გამოფენა–გაყიდვა,  რომელიც   გამგეობის კულტურის  სამსახურისა და  მუნიციპალიტეტის  კულტურის ცენტრის ორგანიზებით მოეწყო.




ყველაზე მნიშნელოვანი და დასამახსოვრებელი, რაც დღევანდელ დღეს უკავშირდება ეს არის, ხობის მუნიციპალიტეტის გამგებლის ბატონ იგორ ტყებუჩავას მიერ კონცერტზე გაჟღერებული ახალი ინიციატივა, რომლის მიხედვით  კულტურის სახლის მიმდებარე ტერიტორიას - დაერქმევა  ,,საქართველოს დამოუკიდებლობის მოედანი’’,   მეორე საჯარო სკოლის მიმდებარე ხეივანს - 26 მაისის ხეივანი, ხოლო დღეს არსებული სტალინისა და ბერიას ქუჩების სახელწოდებები შეიცვლება და დაერქვმევა სამაჩაბლოსა და  აფხაზეთის ქუჩები. „ ეს  კიდევ ერთი სიმბოლური  შეხამება  იქნება   საქართველოს ისტორიასთან, ამიერიდან  ცოტნე დადიანის ქუჩა, 26 მაისის ხეივანი,  აფხაზეთისა და  სამაჩაბლოს ქუჩა ნებისმიერ ხობელს და მის სტუმრებს  მიიყვანს   ,,საქართველოს დამოუკიდებლობის მოედანთან’’ – განაცხადა გამგებელმა.