26 მაისი ხობში

ხობის მუნიციპალიტეტში სადღესასწაულო განწყობა დილიდან იგრძნობოდა, მუნიციპალიტეტის გამგებელი იგორ ტყებუჩავა ხელისუფლებისა და საზოგადოების  სხვა წარმომადგენლებთან  ერთად 9 აპრილის სკვერში  შეიკრიბა, სადაც პატივი მიაგეს დაღუპულთა ხსოვნას და მემორიალი ყვავილებით შეამკეს. ღონისძიებას შემოუერთდა საერო სკოლა „არეას“ (დირექტორი– ბეტა რუსია)მოსწავლეები, რომლებმაც პატრიოტულ ნოტებზე აჟღერებული სიმღერა და ლექსები წარმოადგინეს.

9 აპრილის მემორიალი

9 აპრილის მემორიალი

ამის შემდეგ ღონისძიების მონაწილეებმა  8 აგვისტოს დაღუპულ გმირთა მემორიალთან გადაინაცვლა, სადაც ამავე სკოლის  მოსწავლეებმა იმ პერიოდის მძიმე წუთები გაგვახსენეს და შესრულებული ნომრით დაუვიწყარი შთაბეჭდიელება მოახდინეს დამსწრე საზოგადოებაზე.

 

 

შემდეგი ღონისძიება, რაც ანონსით იყო გათვალისწინებული, ეს იყო ხობის ცენტრალურ სტადიონზე მუნიციპალიტეტის გამგეობის  ორგანიზებით, დამოუკიდებლობის აღდგენის დღისადმი მიძღვნილი რაიონული საფეხბურთო ჩემპიონატის ფინალური შეხვედრა, სადაც ერთმანეთს  სოფელ ძველი ხიბულისა და ხამისქურის გუნდები დაუპირისპირდნენ.  მატჩი ხამისქურის გამარჯვებით,ანგარიშით 2:0 დასრულდა.

І, ІІ  და ІІІ ადგილზე გასულ გუნდებს მუნიციპალიტეტის გამგებელმა გამარჯვება  მიულოცა და გამგეობის მიერ დაწესებული თასები და სიგელები   პირადად გადასცა.

გამარჯვებული – ხამისქურის გუნდი

ძველი ხიბულა

და ბოლოს, ხობის კულტურის სახლში გამართული  კლასიკური  მუსიკის  კონცერტი, რომელსაც წინ უსწრებდა ხობის პროფესიული სასწავლებლის მოსწავლეების მიერ თექის მასალით დამზადებული ნამუშევრების გამოფენა–გაყიდვა,  რომელიც   გამგეობის კულტურის  სამსახურისა და  მუნიციპალიტეტის  კულტურის ცენტრის ორგანიზებით მოეწყო.

ყველაზე მნიშნელოვანი და დასამახსოვრებელი, რაც დღევანდელ დღეს უკავშირდება ეს არის, ხობის მუნიციპალიტეტის გამგებლის ბატონ იგორ ტყებუჩავას მიერ კონცერტზე გაჟღერებული ახალი ინიციატივა, რომლის მიხედვით  კულტურის სახლის მიმდებარე ტერიტორიას - დაერქმევა  ,,საქართველოს დამოუკიდებლობის მოედანი’’,   მეორე საჯარო სკოლის მიმდებარე ხეივანს - 26 მაისის ხეივანი, ხოლო დღეს არსებული სტალინისა და ბერიას ქუჩების სახელწოდებები შეიცვლება და დაერქვმევა სამაჩაბლოსა და  აფხაზეთის ქუჩები. „ ეს  კიდევ ერთი სიმბოლური  შეხამება  იქნება   საქართველოს ისტორიასთან, ამიერიდან  ცოტნე დადიანის ქუჩა, 26 მაისის ხეივანი,  აფხაზეთისა და  სამაჩაბლოს ქუჩა ნებისმიერ ხობელს და მის სტუმრებს  მიიყვანს   ,,საქართველოს დამოუკიდებლობის მოედანთან’’ – განაცხადა გამგებელმა.

გილოცავთ საქართველოს დამოუკიდებლობის დღეს...

 

ჩემი ელ:*:*:*მომენატრება :(

„მხიარული სტარტების“ ფარგლებში მიმდინარეობს დოკუმეტური ფილმის გადაღება

პოპულარული პროექტის ,,მხიარული სტარტების’’ საორგანიზაციო ჯგუფი Qქვეყნის მასშტაბით ამზადებს  დოკუმენტურ ფილმს, სადაც  ქრონოლოგიურად იქნება ასახული  ხობში ჩატარებული თამაშები  და  ღირშესანიშნობები.  

 მათ გადაიღეს ხობის  ისტორიული და  კულტურული ძეგლები: მუზეუმები,  ასევე დაათვალიერეს  მშენებარე სამონასტრო კომპლექსი, სადაც    გამგეობის სპორტისა და ახალგაზრდულ საქმეთა  განყოფილების  წარმომადგენლებთან ერთად   მეგზურობას უწევდნენ პროექტში მონაწილე   საჯარო სკოლის მოსწავლეები., რომლებმაც   შეითავსეს  პატარა ჟურნალისტების როლი  და მათ მიერ მომზადებული კითხვებით წარსდგნენ  მუნიციპალიტეტის გამგებლის წინაშე.

 სტუმრებმა გამოთქვეს მადლობა  ადგილობრივი ხელისუფლების მხარდაჭერისა და იმ თბილი გარემოსათვის , რომელიც ხობში დახვდათ.

 მუნიციპალიტეტის გამგებელმა ორგანიზატორებსა და მონაწილეებს წარმატებები, ხოლო  საუკეთესოებს - ღირსეული გამარჯვება და  მონაწილეებს-  ლამაზად დამარცხების უნარი უსურვა.

ნორჩი მოჭიდავეები მედლებით დაჯილდოვდნენ

13 მაისს  ხაშურში 1997-1998 წლებში დაბადებულ ჭაბუკთა შორის   ბერძნულ–რომაულ ჭიდაობაში ნიკოლოზ ხვედელიძეს  სახელობის რესპუბლიკური ტურნირი ჩატარდა. არასამეწარმეო–არაკომერციული იურიდიული პირის ხობის მუნიციპალიტეტის განათლების ცენტრის სასპორტო სკოლიდან 8 ნორჩმა სპორტსმენმა მიიღო მონაწილეობა და წარმატებით იასპარეზა.

29 კგ წონით კატერიაში I ადგილი დაიკავა ნუგზარ წურწუმიამ,  II ადგილზე კი მამუკა ჯოჯუა გავიდა.

35-59 წონით კატეგორიაში  III  ადგილი შოთა და ნიკა იოსავებმა დაიკავეს.

გამარჯვებულები  მედლებითა და სიგელებით დაჯილდოვდნენ

რეგიონალური თასის მფლობელი ხობის "კოლხეთი 2" გახდა

13 მაისს სამეგრელო–ზემო სვანეთის ფეხბურთის ფედერაციის ორგანიზებით ქ.ზუგდიდის ცენტრალურ სტადიონზე რეგიონალური თასის ფინალური მატჩი გაიმართა, რომელშიც ერთმანეთს შეხვდნენ ხობის „კოლხეთი 2“ და წალენჯიხის „სკური 2“.   

 ფინალის გამარჯვებული და თასის მფლობელი გუნდი გახდა  ხობის „კოლხეთი 2“  ანგარიშით 3-2 .

"კოლხეთი 2"

ჯანიკო ლატარიას სახელობის ოთხთა ტურნირი დასრულდა

12 მაისს ქ.ხობის ცენტრალურ სტადიონზე   1977-1988 წლებში მოღვაწე ხობელი ფეხბურთელის ჯანიკო ლატარიას  ხსოვისადმი მიძღვნილი ოთხთა ტურნირის ფინალური მატჩი გაიმართა.  ტურნირში მონაწილეობა მიიღო ზუგდიდის, სენაკის, აბაშისა და ხობის საფეხბურთო გუნდებმა. ფინალურ მატჩში ერთმანეთს შეხვდენ ხობის „იმედი“ და ზუგდიდის „ბაია“. თამაშის ძირითადი დრო ფრედ 0:0 დასრულდა, რის შემდეგაც  დაინიშნა პენალტების სერია და  თასის მფლობელი  ზუგდიდის „ბაია“  ანგარიშით 8:7 გახდა .

ტურნირში გამარჯვებულებს  თასები და სიგელები გადაეცათ. გამოვლინდნენ საუკეთესო ფეხბურთელები.

თამაშის დასასრულს წუთიერი დუმილით პატიევი მიაგეს ჯანიკო ლატარიას ხსოვნას.

ხობის "იმედი"– ზუგდიდის "ბაია"

პენალტების სერია

ტურნირის გამარჯვებული ზუგდიდის "ბაია" 

დაჯილდოვება

გილოცავთა ანდრია პირველწოდებულის ხსეების დღეს, შეგეწიოთ მისი მადლი...

წმ. ანდრია პირველწოდებული

«ტყვეთა განმათავისუფლებელო, და გლახაკთა ხელის აღმპყრობელო, სნეულთა მკურნალო, და მეფეთა უძლეველო, წინამბრძოლო, ღვაწლით შემოსილო დიდო მოწამეო გიორგი, ევედრე ქრისტესა ღმერთსა შეწყალებად სულთა ჩვენთათვის.

გადმოცემის თანახმად წმინდა გიორგი დაიბადა კაბადოკიაში, III საუკუნის მეორე ნახევარში. იგი იყო დიდებული ოჯახის შვილი. მის მამას გერონტიოსი, დედას კი – პოლიხნორია ერქვა. დედამ წმინდა გიორგის შეასწავლა საღმრთო წიგნები და ჭეშმარიტი სარწმუნოება.
წმინდა მოწამე დიოკლეტიანე მეფის დროს ტრივონთა მეთაური იყო. დეოკლიტიანემ და მაგნენტიოსმა კერპთმსახურება ააღორძინეს და გასცეს ბრძანება ქრისტიანთა დევნილებისა და იმ მორწმუნეთა დაწინაურების შესახებ, რომელნიც უარყოფდნენ ახალ რელიგიას. ხოლო ვინც შეეწინააღმდეგებოდა მეფის განაჩენს, საზარელი სიკვდილით დასჯა ემუქრებოდა.

გადმოცემით ამ დროს გამობრწყინდა ყოვლად წმინდა სამების ახოვანი მხედარი, რომელიც მეფესთან შევიდა და მის წინაშე იქადაგა ქრისტიანობა, კერპთა ცბიერება და მისი მიმდევარი კი გაკიცხა. დეოკლიტიანემ ვერაფრით შეძლო წმინდა გიორგის გადაბირება, ამიტომაც პირმოთნეობა დაუტევა, ჭეშმარიტი სახე სიბოროტისა გამოავლინა და მისი ტანჯვა განიზრახა. თავდაპირველად მეფემ მუცლის ლახვრით განგმირვა ბრძანა. წმინდანის ხორცის შეხებისას ლახვარი სანთელივით მოიდრიკა. როცა ამგვარად ვერაფერი დააკლო, დეოკლიტიანემ წმინდა გიორგი ურმის თვალზე დააკვრევინა, დაღმართზე კი მახვილები დააგებინა, რის შედეგადაც მოწამის სხეული მრავალ ნაწილად დაჭრა. მაგრამ ღმრთის ანგელოზის გარდამოსვლით წმინდა გიორგი მეყსეულად განიკურნა და ასე განახლებული ბრწყინვალებით წარდგა მეფისა და მისი მეგობრის მაგნენტიონის წინაშე. ამ სასწაულმა მრავალი ადამიანი მოაქცია ქრისტეს რჯულზე, რისთვისაც ქალაქგარეთ თავისმოკვეთით დასაჯა ისინი. ქრისტიანობა მეფის მეუღლე ალექსანდრიამაც ირწმუნა, რომელმაც დეოკლიტიანეს წინაშე უშიშრად აღიარა ჭეშმარიტი ღმერთი, დედოფალი დაატყვევეს. ქრისტეს მხედარი ახლად დამბალ კირში ჩააგდეს, იგი სამი დღე იმყოფებოდა ასეთ მდგომარეობაში, წმინდა გიორგი ამ განსაცდელსაც უვნებლად გადაურჩა. გამძვინვარებულმა მეფემ ლურსმნებგაყრილი ფეხსაცმელები ჩააცვა ფეხზე და აიძულა ერბინა. ამავე დროს სასტიკად გაშოლტეს, რის შედეგაც მაგნენტიოსმა დაფლული მკვდრის სასწაულთქმედებით გაცოცხლება სთხოვა.

წმინდა გიორგიმ ილოცა და საკვირველებაც აღსრულდა: საფლავს თავი აეხადა, საიდანაც გამოვიდა მიცვალებული, იგი ფეხებში ჩაუვარდა და უფალს დიდება შესწირა, ხოლო მეფის კითხვაზე, ვინ არის და რამდენი ხნის გარდაცვლილი, მკვდრეთით აღმდგარმა უპასუხა:„მე ქრისტეს მოსვლამდე ვცხოვრობდი და კერპთა საცთურისათვის აქამდე ცეცხლში ვიწვოდიო“. ამ დიდებულმა სასწაულმაც მრავალი ქრისტიანი შეჰმატა ეკლესიას, მათ შორის ნეტარი გლიკერიც, რომელიც ღმრთის აღიარებისათვის მახვილით დაისაჯა. ათანასე გრძნეული, რომელმაც დაინახა თუ არა გრძნეულების უძლურება, ჭეშმარიტება აღიარა და ქრისტეს მსხვერპლად შეიწირა. მთავარმოწამე კერპთმსახურთა ტაძარში შევიდა და უბრძანა კერპს, ეთქვა, ვინ იყო ჭეშმარიტი ღმერთი. ხოლო ეშმაკის პირით კერპმა მეყსეულად აღიარა:„ქრისტეა ერთადერთი ღმერთიო“, რის შედეგაც ყველა კერპი შეიძრა და შეიმუსრა. ეშმაკის მსახურებმა ვეღარაფერი გააწყვეს წმინდა გიორგის წინაშე, შეიპყრეს იგი და დეოკლიტიანეს მისი მოკვლა სთხოვეს. მეფემ წმინდა გიორგის და ალექსანდრია დედოფლის სიკვდილით დასჯა ბრძანა. წმინდა გიორგის თავი მოჰკვეთეს, ხოლო ალექსანდრიამ ილოცა და უმახვილოდ განუტევა სული.

საქართველოს შრომის, ჯანმრთელობის და სოციალური დაცვის მინისტრის მოადგილემ ხობის ახლადგახსნილი შერეულპროფილიანი კლინიკა დაათვალიერა.

4 მაისს საქართველოს შრომის, ჯანმრთელობის და სოციალური დაცვის მინისტრის მოადგილე მიხეილ დოლიძემ ხობის ახლადგახსნილი შერეულპროფილიანი კლინიკა დაათვალიერა. კლინიკა “პირველ ქართულ ჰოსპიტალურ ქსელს” ეკუთვნის  და მის მართვას კომპანია “ქართული ჰოსპიტალი” ახორციელებს. ახლადშექმნილი ჰოსპიტალური ქსელის ადმინისტრაცია მინისტრის მოადგილესთან, ხობის მუნიციპალიტეტის გამგებელთან იგორ ტყებუჩავასთან  და ხობის საავდმყოფოს  დირექტორთან ფიქრია დვალაძესთან ერთად გაეცნო მედ-პერსონალის მუშაობის  პროცესს და საავადმყოფოს ფუნქციონირებაზეც ისაუბრეს.
ხობის კლინიკაში პაციენტების უსაფრთხოების დაცვის მიზნით ამ ეტაპზე მედპერსონალის გადამზადება მიმდინარეობს, გარკვეული პროცესების დასრულების შემდეგ  საავადმყოფო ჩვეული რიტმით შეუდგება ფუნქციონირებას, თანამდროვე დანადგარებით აღჭურვილ კლინიკაში პაციენტებს ყველა პირობა შეექმნებათ ჩაიტარონ გამოკვლევა.
საავადმყოფოს სტაციონალურმა განყოფილებამ პირველი  პაციენტი უკვე მიიღო, მშობიარე პაციენტს ფულადი ჯილდო 500 ლარის ოდენობით  და ახალშობილის მოვლის ჰიგიენური საშუალებების სრული პაკეტი სტუმრებმა პირადად გადასცეს.

"ჩვენი კუთხის საგანძური"

3 მაისს ,,ძუკუ ლოლუას სახელობის ქართული ხალხური სიმღერის მუზეუმში“ (დირექტორი ნ. ჯალაღონია)კულტურულ-საგანმანათლებლო ღონისძიება სახელწოდებით ,,ჩვენი კუთხის საგანძური“ გაიმართა.საზოგადოების წინაშე საინტერესოდ და ვრცლად იყო წარმოდგენილი, როგორც ძუკუ ლოლუას სახელობის მუზეუმთნ არსებული ფოლკლორული ანსამბლი, ასევე გიმნაზიის აღსაზრდელთა მიერ შესრულებული სხვადასხვა ნომრები.მონაწილეებმა კონფერენციის სახით წარმოადგინეს ისტორიული მასალები ძველ მეგრულ სიმღერებზე,საკრავებზე, ხალხური მუსიკის მრავაფეროვნებაზე, ხალხური სიმღერის ხმიანობაზე.განხილულ იქნა მეგრული სიმღერის ხასიათები, ფოლკლორული ნამუშევრები., ანსამბლის წევრებმა მუზეუმის აღსაზრდელებთან ერთად შეძლეს ძველი სიმღერების გაცოცხლება და ორიგინალურად მათი წარმოჩენა დამსწრე საზოგადოების წინაშე. ღონისძიება ერთი საათი გაგრძელდა, მას ხობის მუნიციპალიტეტის გამგებელი ბატონი იგორ ტყებუჩავა ადგილობრივი ხელისუფლების სხვა წარმომადგენლებთან ერთად დაესწრო.

მუსიკალურ ფესტივალს "აღდგომიდან ამაღლებამდე" სამეგრელომ უმასპინძლა

"მუსიკა არის ზეციური წარმოშობის და ქართველ ხალხს ზეცასთან აქვს მჭიდრო კავშირი", - ბრძანა უწმინდესმა.

სრულიად საქართველოს კათალიკოს-პატრიარქის საერთაშორისო საქველმოქმედო ფონდმა აკაკი რამიშვილის ფონდ “ტრადიცია და ინოვაციასთან“  ერთად მისი უწმინდესობის ლოცვა-კურთხევით 2006 წელს დააარსა საერთაშოერისო ფესტივალი სახელწოდებით  „აღდგომიდან ამაღლებამდე“, რომელიც ყოველ წლიურად ტარდება და მიზნად ისახავს აფხაზი და ოსი ხალხის შერიგებას.

2011 წლის 2 მაისს ფესტივალის „აღდგომიდან ამაღლებამდე“ ფარგლებში კონცერტის მასპინძელი გახლდათ სამეგრელო, კერძოდ ზუგდიდი.  ღონისძიება დადიანების სასახლეში, ღია ცის ქვეშ გაიმართა.

გალა-კონცერტს ესწრებოდნენ ცაიშისა და ზუგდიდის მიტროპოლიტი მეუფე გერასიმე, ეპარქიის სამღვდელოება და  საზოგადოების  წარმომადგენლები ადგილობრივი თუ სხვა მუნიციპალიტეტებიდან.

ფესტივალის პროგრამა წარმოდგენილი იყო   კლასიკური მუსიკით. მასში მონაწილეობა მიიღეს როგორც უცხოელმა, ასევე საზღვარგარეთ მოღვაწე ცნობილმა ქართველმა მუსიკოსებმა: ტეჰილა–ნინი გოლდშტეინი, მარია ბეროევა, თამარ შალვაშვილი,   ფესტივალის სამხატვრო ხელმძღვანელი გახლდათ     ამერიკის შეერთებულ შტატებში მოღვაწე გამოჩენილი ქართველი პიანისტი ალექსანდრე კორსანტია.

ფესტივალში, ასევე მონაწილეობა მიიღო  ადგილობრივი ქართული ხალხური სიმღერის ანსამბლმა „ოდოიამ“, ხელმძღვანელი პოლიკარპე ხუბულავა.

             საღამოს დასასრულს ტეჰილა–ნინი გოლდშტეინის მიერ ანსამბლ "ოდოიასთან"  ერთად შესრულებულმა "მეგრულმა ნანამ" მაყურებლის განსაკუთრებული ოვაცია დაიმსახურა

დადიანების სასახლე

ალექსანდრე კორსანტია

ცაიშისა და ზუგდიდის ეპარქია

ანსამბლი "ოდოია"

ხობის მუნიციპალიტეტის გამგეობის წარმომადგენლობა